Deputeti i Lëvizjes Vetëvendosje, Dimal Basha, ka reaguar pas dështimit të 35-të me radhë për konstituimin e Kuvendit, duke akuzuar opozitën për mosangazhim dhe obstruksion të qëllimshëm në këtë proces.
“Në mëngjes, ne deputetët e LVV-së e kemi ditur se do të vijmë të votojmë. Deputetët e opozitës nuk e dinë pse kanë ardhur – sepse nuk kanë votuar. Janë zgjuar, janë veshur, kanë ardhur në Kuvend dhe janë kthyer në shtëpi pa lënë asnjë shenjë të angazhimit”, ka thënë Basha.
Sipas Bashës, deputetët e opozitës po e bojkotojnë konstituimin e Kuvendit, duke penguar formimin e institucioneve dhe duke shpërfillur përgjegjësinë që kanë ndaj votuesve.
“Jemi përgjegjës të gjithë për konstituimin e Kuvendit, meqenëse jemi të gjithë hisedarë. Por të gjithë deputetët e LVV-së po votojnë ‘për’. Kjo është puna jonë. Po të njëjtën gjë duhet ta bëjnë edhe deputetët e opozitës”, theksoi ai.
Basha shtoi se vetëm pas konstituimit të Kuvendit mund të matet në mënyrë legjitime se kush i ka numrat për të formuar qeverinë, duke nënkuptuar se bllokimi aktual nuk është rezultat i mungesës së shumicës, por i mungesës së vullnetit politik nga opozita.
Maratona e dështimeve, s’ka konstituim as pas përpjekjes 35-të
-
Basha: I kemi 57 deputetë që votojnë, pse vetëm 4 deputetë të opozitës s’janë pro konstituimit
-
Basha: Iu ofruam zgjidhje, por nuk po duan
-
Basha: LDK-ja s'e mbajti fjalën, pati premtuar që s’do ta pengojë konstituimin e Kuvendit
-
Basha: Ne e kemi bllokuar Kuvendin për kauza, opozita për Haxhiun
-
Basha: VV-ja u tregua konstruktive, bllokues janë ata që votojnë kundër