TSMC-ja do të prodhojë masovikisht çipa 5nm nga viti i ardhshëm

TSMC-ja ka filluar me prodhimin e çipave 5nm dhe pret që për prodhimin në masë të jetë i gatshëm në gjysmën e parë të vitit të ardhshëm, raporton GSMArena.

Ky proces premton çipa shumë më të vegjël (me një reduktim të madhësisë prej 45%), si dhe përmirësim të performancës deri në 15 për qind krahasuar me procesin 7nm.

Për çipat që vijnë më vonë gjatë këtij viti, TSMC-ja e ka përgatitur procesin 7nm+, i cili do të mundësojë përmirësime prej 6-12 për qind në konsum dhe do të mundësojë vendosje 20% më të dendur të transistorëve në krahasim me procesin aktual 7nm, shkruan KOHA Ditore.

Ekzistojnë shumë prodhues premium që planifikojnë të implementojnë çipa të rinj TSMC. Apple dhe kompania tajvaneze e kanë një marrëveshje deri në vitin 2020 për furnizimin me çipa për iPhone; Qualcomm do të vazhdojë të zhvillojë çipa në proceset 7nm dhe 7nm+, ndërsa në këtë do të mund të përfshihej edhe Huawei me ofertën Kirin.

TSMC ka njoftuar se procesi i ardhshëm i prodhimit, 5nm+, është gjithashtu në përgatitje. Me prodhimin testues të këtij procesi do të fillohet në gjysmën e parë të vitit të ardhshëm ndërsa prodhimi masiv pritet në vitin 2021.