TikToku ka thënë se ndalimi potencial i aplikacionit në SHBA do t’ua “shkelë lirinë e fjalës” 170 milionë amerikanëve.
Dhoma e Përfaqësuesve e SHBA-së ka votuar të shtunën për ndalimin e TikTokut, nëse pronari i tij nuk shkëput lidhjet me Kinën.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoProjektligji ishte pjesë e pakos që përfshiu ndihmën për Ukrainën dhe mund të bëhet ligj javën e ardhshme, raportoi BBC.
Muajt e fundit zyrtarët amerikanë kanë ngrehur alarmin mbi popullaritetin e TikTokut te të rinjtë. Ata pretendojnë se kompania që ka në pronësi TikTokun, ByteDance, i nënshtrohet Kinës.
Nëse projektligji miratohet, Bytedance ka nëntë muaj që t’i shesë aksionet ose do të përballet me ndalim.
Një zëdhënës i TikTokut ka thënë se projektligji “do të shkelë të drejtën e lirisë së shprehjes së 170 milionë amerikanëve, të shkatërrojë 7 milionë biznese dhe do të mbyllte një platformë që kontribuon me 24 miliardë dollarë në ekonominë amerikane çdo vit”.