Golden Eagle Ylli do ta ketë edhe një ndeshje të vështirë në kuadër të fazës së grupeve të FIBA Europe Cup.
Pas humbjeve në dy ndeshjet e para, Ylli në xhiron e tretë luan kundër favoritit të Grupit A, ekipit nga Gjermania, Brose Bamberg. Ndeshja luhet të mërkurën në palestrën “Brose Arena” nga ora 20:00. Bambergu ka dy fitore në po aq ndeshje të luajtura deri më tani dhe është lider i grupit me katër pikë. Për dallim prej dy ndeshjeve të kaluara, Ylli ndaj Bambergut do të jetë i kompletuar. Në ekip është kthyer kapiteni Gëzim Morina, që është rikuperuar nga lëndimi.
Ndeshja tjetër e këtij grupi është ajo ndërmjet Hapoel Galil Elionit dhe Niners Chemnitzit, e cila luhet prej orës 16:30 në Izrael. Të dy ekipet e kanë mposhtur Yllin, por kanë pësuar nga Bambergu.
Ylli është ekipi i vetëm që po e përfaqëson Kosovën në fazën e grupeve të garave të FIBA-s.
-
I trimëruar nga suksesi në Gjermani, Ylli kërkon fitore edhe ndaj Hapoelit në Izrael
-
Fitorja “historike” në Gjermani e kthen Yllin fuqishëm në garë
-
Trajneri i Bambergut u kërkon falje tifozëve për humbjen nga Ylli
-
Ylli në disavantazh ndaj Bambergut
-
Ylli i motivuar para duelit të vështirë me Chemnitzin në Gjermani