Ekipi anglez, Wolverhamptoni, po interesohet për transferimin eventual të sulmuesit Ansu Fati.
“Mundo Deportivo” shkruan të premten se Wolvesi tashmë i ka bërë ofertë zyrtare Barcelonës, ekip që është i gatshëm ta shesë Fatin këtë verë.
Mësohet se skuadra angleze ka ofruar 30 milionë euro, plus kartonin e mesfushorit Ruben Neves për t’i siguruar shërbimet e Fatit.
Neves pëlqehet shumë nga trajneri i Barcelonës, Xavi Hernandez, i cili nuk llogarit shumë në Fatin.
Sulmuesi 20-vjeçar ka 7 gola e 3 asistime këtë edicion në të gjitha garat, ndërsa me Barcelonën ka kontratë deri në vitin 2027 me opsionin e rinovimit edhe për dy vjet të tjerë.
