West Ham Unitedi ka barazuar me skuadrën e Lyonit 1:1 të enjten mbrëma, në ndeshjen e parë çerekfinale të Ligës së Evropës.
Skuadra angleze luajti në pjesën e dytë me një futbollist më pak në fushë.
Në minutën e tretë shtesë të pjesës së parë, me karton direkt të kuq, u përjashtua mbrojtësi Aaron Cresswell.
Pavarësisht se ishte me një lojtar më pak në fushë, West Hami kaloi në epërsi në minutën e 52-të nëpërmjet sulmuesit Jarrod Bowen.
Vizitorët francezë barazuan rezultatin në minutën e 66-të me Tanguy Ndombelen.
Ndeshja kthyese do të luhet të enjten e ardhshme në Francë.
