Tifozi më i njohur në botë aktualisht, Frank Ilett, ka mbetur pa u qethur pas barazimit të Manchester United me rezultat 1:1 të martën mbrëma ndaj West Hami, në kuadër të xhiros së 26-të të Premier Leagues së Anglisë.
Unitedi dështoi të shënonte fitoren e pestë rresht dhe kështu tifozit nga Oxfordi e që jeton në Spanjë, do t’i duhet një tjetër seri prej pesë fitoreve rresht në mënyrë që te realizoj premtimin e tij.
Ai kishte bërë premtim në tetor të vitit 2024 se do të qethej vetëm kur Unitedi të shënonte pesë fitore rresht. Por Unitedi nuk ia doli.
Golin e epërsisë për West Hamin e shënoi Tomas Soucek në minutë ne 50-të. Benjamin Sheshko barazoi rezultatin me golin e shënuar në minutën e 96-të.
Unitedit iu anulua edhe goli i Casemiros në minutën e 63-të për pozitë jashtë loje.
Unitedi zë vendin e katërt me 45 pikë, kurse West Hami zë vendin e 18-të me 24 pikë.