Mbrojtësi Samuel Umtiti do të largohet nga Barcelona gjatë këtij muaji. “Sport” shkruan se Umtiti është afër kalimit në Premier League te Newcastle Unitedi.
Klubi anglez i ka ndërprerë bisedimet me Sven Botmanin e Lillet dhe mbrojtësi francez Umtiti tani është objektivi kryesor në janar. Umtiti ka kontratë me Barcelonën deri në vitin 2023, por që nuk bën pjesë më në planet e klubit nga Katalonja.
Këtë sezon 28-vjeçari ka vetëm një paraqitje në të gjitha garat. Vlera e tij sipas faqes së specializuar për transferime “transfermakt”, është vetëm 2 milionë euro. Ndërkaq, në vitin 2018, Umtiti vlente 70 milionë euro.
