Strategu francez i futbollit Herve Renard ka dhënë dorëheqjen si trajner i Arabisë Saudite për një punë të re.
Renard u bë i famshëm në vitin 2012 kur udhëhoqi Zambinë drejt titullit të Kampionatit Afrikan, dhe më pas bëri të njëjtën gjë me Bregun e Fildishtë më 2015.
Ai udhëhoqi Arabinë Saudite gjatë Botërorit të kaluar dhe ishte i vetmi që arriti të mposhtë kampionen e botës Argjentinën 2:1 në ndeshjen e grupit.
Ai drejtoi Arabinë Saudite nga viti 2019 e deri më sot, por vendosi të largohej nga kjo kombëtare për shkak të një pune jo të zakontë.
Renardit iu dha mundësia për të udhëhequr kombëtaren e Francës për gra në Botërorin e ardhshëm. Ai pranoi menjëherë.
Edhe
Renard, selektor i ri i Tunizisë
Federata e Futbollit të Arabisë Saudite ka thënë se kishte rënë dakord të ndërpresë kontratën e Renardit me kërkesën e tij dhe i uroi atij “fat më të mirë në të ardhmen”.
Renard, 54 vjeç, do ta pasojë Corinne Diacre, e cila u shkarkua nga kombëtarja franceze e femrave pasi kapitenia dhe disa futbolliste të tjera thanë se nuk do të shkonin në Kupën e Botës derisa të zëvendësohej ajo.
