Sulmuesi i krahut, Anthony Martial, ka gjasa të rikthehet në La Liga gjatë afatit kalimtar të janarit.
Sevilla dhe Valencia janë skuadrat që kanë shfaqur interesim për francezin e Manchester Unitedit, ka njoftuar “Fichajes” të hënën.
Martial në pjesën e dytë të sezonit të shkuar ishte i huazuar te Sevilla dhe është i gatshëm për t’u kthyer në Spanjë.
Këtë edicion, ai ka dy paraqitje me Unitedin në kampionat, ku ka shënuar dy gola dhe ka bërë një asistim.
26-vjeçari ka kontratë me ekipin anglez deri në vitin 2024, me opsionin e vazhdimit edhe për një vit tjetër.
Kartoni i tij vlerësohet rreth 20 milionë euro.
