Luan Simnica do të largohet nga Koelni pas 11 vjetësh të kaluara te kjo skuadër.
Koelni nuk ka shfaqur interesim që ta inkuadrojë atë në ekipin e parë, por skuadra tjetër e Bundesligës gjermane, Stuttgarti, dëshiron që ta ketë në ekip mesfushorin e talentuar.
Te Koelni, asistenti i trajnerit Steffen Baumgart, Andre Pawlak, muaj më parë kishte deklaruar se Simnica është “shumë i mirë me këmbën e majtë, është lojtar agresiv që tashmë është zhvilluar shumë dhe i ka shfaqur vlerat”.
Simnica me skuadrën U19 të Koelnit shkoi deri në gjysmëfinale të kampionatit gjerman, ndërsa triumfoi në Kupën e Gjermanisë për këtë grupmoshë.
“Kicker” ka shkruar të dielën se nuk është vetëm Stuttgarti i interesuar për shërbimet e Simnicës 19-vjeçar.
Ka interesim edhe nga ekipet elitare të Zvicrës dhe Austrisë. Ai është i grumbulluar me U21 të Kosovës.