Emir Sahiti ka shënuar supergol në fitoren që skuadra e Hajdukut të Splitit e shënoi të shtunën në shtëpi kundër Varazhdinit.
Hajduku fitoi me rezultatin 2:0 përballë Varazhdinit në ndeshjen që i takoi xhiros së 30-të të elitës së futbollit të Kroacisë.
Futbollisti i Kosovës, Sahiti, në minutën e 65-të u shmang shumë mirë nga një futbollist dhe më pas me të jashtmen e dërgoi topin prapa shpinës së portierit kundërshtar.
Ishte goli i tij i katërt në këtë edicion të kampionatit kroat, derisa ka edhe tri asistime.
Ai u zëvendësua vetëm katër minuta pasi shënoi, ndërsa Elvis Letaj u inkuadrua në lojë në minutën e 84-t.
Jorgo Pëllumbi kompletoi ndeshjen te mysafirët, kurse Agon Elezi luajti nga minuta e 71-të.
i Splitit është në pozitën e dytë me 57 pikë, dhjetë më pak se liderja Dinamo e Zagrebit.
Varazhdini ka 39 pikë në pozitën e gjashtë.
