Skuadra e madhe kroate, Hajduku i Splitit, e ka fituar me rezultat minimal ndeshjen e mbetur të xhiros së tretë të elitës së Kroacisë.
Hajduku i Splitit të mërkurën në mbrëmje fitoi 1:0 në udhëtim tek Osijeku, ndërsa Emir Sahiti ka kontribuuar me asistim.
Sahiti 24-vjeçar, që ka realizuar edhe katër gola në 18 paraqitje në të gjitha garat, asistimin e parë të edicionit e ka bërë në minutën e 42-të.
Ai përfitoi nga një gabim i kundërshtarit dhe pasoi për Marko Livajan që realizoi golin e fitores.
Sahiti luajti deri në minutën e 68-të, kurse Leon Dajaku deri në minutën e 58-të.
Me këtë fitore, Hajduku del i pari në tabelë me 30 pikë, tri më shumë se Rijeka që ka një ndeshje më pak të luajtur.
