Bartësja e pestë e turneut Grand-Slam “Australian Open”, Aryna Sabalenka, ka vazhduar me formë të mirë.
Ajo në duelin e fundit mposhti Elise Mertensin, për të arritur në rundin e katërt të turneut.
Bjellorusja që po e synon titullin e parë Grand-Slam, mposhti belgen me rezultatin 2:0 në sete, 6:2 dhe 6:3.
24-vjeçarja ende nuk e ka humbur asnjë meç në vitin 2023.
Në rundin tjetër takohet me Belinda Bençiqin.
Tenistja zvicerane, bartëse e 12-të e turneut, kaloi në rundin e katërt me fitoren 6:2 dhe 7:5 në sete, ndaj Camila Giorgi të Italisë.
Bençiqi ka nëntë fitore të njëpasnjëshme.
Edhe
Sabalenka ndaj Rybakinas në finalen e Melbournet
Karolina Plishkova dhe Donna Vekiq po ashtu kanë kaluar në 1/8 e finales të shtunën.
Plishkova mundi rusen Varvara Grancheva 6:4 dhe 6:2, ndërsa Vekiqi fitoi ndaj spanjolles Nuria Parrizas Diaz, 6:2 dhe 6:2.
Tinejxherja çeke Linda Fruhvirtova 17-vjeçare, shkoi në rundin e katërt të një Grand-Slami për herën e parë, pas fitores 7:5, 2:6 dhe 6:3, ndaj bashkëkombëses, Marketa Vondrousova.
