Raportohet për 10 të vdekur si pasojë e një aksidenti që ka ndodhur të mërkurën në Spanjë, ku dy trena të shpejtësisë së lartë janë përplasur në provincën e Toledos.
Autoriteti shtetëror spanjoll për infrastrukturën hekurudhore ka njoftuar se qarkullimi i trenave mes Madridit dhe rajonit jugor të Andaluzisë ishte pezulluar të mërkurën në mëngjes, “pas një përplasjeje nga pas mes dy trenave”.
Një zëdhënës i qeverisë rajonale të Kastiljes-La Mançës, ku ka ndodhur aksidenti, ka thënë se shkaqet e përplasjes ende nuk janë përcaktuar.
Burime qeveritare i kanë thënë gazetës El País se të paktën 10 persona kanë humbur jetën dhe se aksidenti mund të jetë më e rëndë se katastrofa hekurudhore e Adamuzit në janar, ku humbën jetën 45 persona.
Kryeministri, Pedro Sanchez, ka shprehur tronditjen e tij nga lajmi për aksidentin.
“Shërbimet e emergjencës po punojnë në terren për të ndihmuar të prekurit dhe për të garantuar sigurinë e tyre, në koordinim me të gjitha administratat e përfshira. Dashuri, solidaritet dhe mbështetje për të gjitha viktimat dhe familjet e tyre”, ka deklaruar Sanchez.
Përplasen në Spanjë dy trena të shpejtësisë së lartë
Dy trena me shpejtësi të lartë janë përplasur në Spanjë, duke bërë që të pezullohet qarkullimi...-
Përplasen në Spanjë dy trena të shpejtësisë së lartë
-
Shkon në 39 numri i të vdekurve nga përplasja e trenave në Spanjë
-
Tjetër aksident hekurudhor në Spanjë, humb jetën një person e lëndohen të paktën 15
-
Spanja dërgon makineri të rëndë për të nxjerrë trupa nën mbetjet e trenave të përplasur
-
Shkon në 10 numri i të vdekurve nga dalja e trenave nga shinat në Spanjë