Kampionia e “Wimbledonit”, Elena Rybakina, do ta ketë shansin që ta fitojë një tjetër turne Grand-Slam të tenisit. Ajo ka kaluar në finale të “Australian Open”.
Rybakina do të takohet me bjellorusen dhe bartësen e pestë të turneut, Aryna Sabalenka.
Rybakina 23-vjeçare përfaqëson Kazakistanin. Ajo fitoi 7:6 dhe 6:3 kundër Victoria Azarenkas.
Sabalenka e mposhti polaken Magda Linette, për të kaluar në finalen e parë të një gare madhore. 24-vjeçarja fitoi 7:6 dhe 6:2 kundër tenistes që nuk ishte bartëse e turneut.
