Ramadani me rekord të ri, i dyti në Kampionatin Mesdhetar U23

Atleti Muhamet Ramadani ka arritur synimin për të kaluar limitin e 19 metrave në hedhje të gjyles. Ai të shtunën mori pjesë ne Kampionatin Mesdhetar të atletikës në grupmoshën U23 që po mbahet në Itali.

Ramadani hedhjen më të mirë e kishte 19:13 metra, që është rekord i Kosovës. Me këtë rezultat, atleti mitrovicas e fitoi medaljen e argjendtë. E arta i takoi turkut Alperen Karahan me hedhjen më të mirë prej 19.15 metra.

Ramadani vlerësohet atleti me potencialin më të madh në vend. Rekordi i deritashëm i 20-vjeçarit ishte 18.72 metra.

{gallery}