Paris Saint-Germaini po rivalizon skuadrat angleze për shërbimet e sulmuesit Tammy Abraham, raporton “FootMercato” të hënën.
Bëhet e ditur se Abraham po shihet te Parisi si zëvendësim ideal për Neymarin, i cili pritet të shitet gjatë verës. Sulmuesi anglez ka treguar paraqitje të mira këtë sezon te Roma dhe ekipi italian është i gatshëm ta lërë të lirë për një ofertë prej 50 milionë eurosh.
25-vjeçari është pjesë e Romës prej vitit 2021, kur iu bashkua nga Chelsea dhe ka kontratë deri në verën e vitit 2026.
Këtë sezon ai ka shënuar 9 gola dhe ka bërë 7 asistime në të gjitha garat. Krahas Parisit, situatën e Abrahamit te Roma po e monitorojnë edhe Manchester Unitedi e Tottenhami.
