Lois Openda mund të bëhet transferimi më i shtrenjtë në histori të skuadrës së Leipzigut.
Mediat gjermane kanë shkruar të mërkurën se transferimi i sulmuesit të Lensit tashmë është realizuar.
Openda do ta zërë vendin e Christopher Nkunkut, i cili u transferua te Chelsea.
Openda pritet t’i bashkohet zyrtarisht Leipzigut për çmimin e 40 milionë eurove, plus bonuset e tjera.
Belgu vlerësohet një prej sulmuesve më të mirë në treg aktualisht.
23-vjeçari në edicionin e kaluar shënoi 21 gola në 42 paraqitje në të gjitha garat, ndërsa pati edhe katër asistime.
