-
Nga:
Florim Maliqaj
- 3 tetor 2022 23:00
- Shpërndaje në:
Skuadra e Dukagjinit shënoi fitoren e parë në Superligë këtë edicion, në ndeshjen e nëntë.
Të shtunën ekipi nga Klina mposhti Ferizajn me rezultat 4:1. Klinasit kanë edhe gjashtë humbje dhe dy barazime. Ende renditen të fundit në tabelë me pesë pikë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNë triumfin e parë të Dukagjinit kontribuoi edhe futbollisti Met Millaku. Mesfushori u inkuadrua në lojë në pjesën e dytë, duke shënuar rikthimin në fushë pas tetë muajsh. Millkau ishte lënduar në fillim të vitit në ndeshjen kundër Gjilanit, ku kishte këputur ligamentin kryqëzor.
“Unë hyra në lojë në pjesën e dytë në fitoren ndaj Ferizajt dhe ishte rikthim shumë i mirë. Të rikthehem në fushë pas një kohe të gjatë dhe atë me fitore, është ndjenjë e mirë. I falënderoj të gjithë që më kanë përkrahur kur jam lënduar dhe tani që jam rikthyer. Përkrahja ka qenë e madhe dhe motiv për mua”, tha Millaku të hënën për KOHËN.
Ai thekson se periudha e shërimit nuk ka qenë aspak e lehtë. Thotë se dëshira e madhe për futbollin dhe klubin kanë qenë motiv që ta kalojë këtë pengesë.
“Unë u lëndova në ndeshjen e Kupës ndaj Gjilanit më 5 shkurt. Këputa ligamentin kryqëzor. Ka qenë lëndim i rëndë dhe është dashur të operohem. Nuk kam mundur të paraqitem në fushë për gati tetë muaj dhe ka qenë shumë e vështirë që të jem kaq shumë kohë jashtë. Ka qenë periudhë mjaft e vështirë faza e shërimit e deri te rikthimi i plotë në fushë. Por dëshira e madhe për këtë sport dhe dëshira e madhe për ta ndihmuar skuadrën drejt objektivave kanë bërë që t’ia dal”, u shpreh Millaku.
24-vjeçari mendon se Dukagjini nuk e meriton pozitën e fundit, në bazë të asaj që ka treguar në fushë. Millaku është i bindur se skuadra do të vazhdojë me rezultate pozitive.
“Sigurisht se askush në klub nuk jemi të kënaqur me rezultatet që i kemi arritur. Një fitore në nëntë ndeshje është shumë pak, duke e ditur se skuadra është paraqitur shumë mirë në shumicën e ndeshjeve. Në shumë ndeshje edhe fati nuk ka qenë me ne. Dukagjini ka merituar më shumë nga ajo që ka treguar në fushë dhe besoj që tani e tutje do të kemi vetëm rezultate pozitive. Kemi ekip cilësor dhe lojtarë me përvojë të madhe”.
Met Millaku është rritur te Dukagjini si lojtar. Ka luajtur edhe te Feronikeli, ku i ka fituar titullin, kupën dhe Superkupën e Kosovës në vitin 2019.