Dukagjini ka shënuar fitore dramatike në elitën e futbollit kosovar pas katër muajsh e gjysmë.
Të dielën gjatë ditës në terrenin me bar sintetik në Gjilan, skuadra nga Klina fitoi ndaj Gjilanit me rezultatin 3:2. Ndeshja i takoi xhiros së 29-të.
Fitorja e fundit e Dukagjinit në Superligë ishte më 30 nëntor ndaj Llapit në udhëtim.
Nga ajo kohë kishte ecuri prej nëntë barazimeve e katër humbjeve.
Fitorja pas afro pesë muajsh u arrit me trajnerin Arsim Thaqi dhe ishte dramatike.
Edhe
Dukagjini e mposht kampionen
Altin Merlaku shënoi për 1:0 në minutën e 23-të. Penalltinë e tij e priti fillimisht portieri Agron Kolaj, por më pas nga topi i kthyer, Merlaku nuk gaboi. Golat e tjerë u shënuan në pjesën e dytë.
Robert Rrahmani i barazoi shifrat në minutën e 51-të, ndërsa pesë minuta më vonë, për 2:1 në të mirë të klinasve realizoi Dienit Isufi.
Sfida u bë dramatike në minutat shtesë.
Udoyen Akpan realizoi me goditje të bukur nga zona në minutën e 92-të. Por tre minuta më vonë, Dardan Morina ishte i saktë me gjuajtje, që ia siguroi Dukagjinit fitoren 3:2.
Dukagjini me fitore forcohet në pozitën e gjashtë me 38 pikë, ndërsa Gjilani i pesti i ka 43 pikë.
Dukagjini kthen epërsinë ndaj Gjilanit
Dienit Isufi shënoi për epërsinë e dytë të Dukagjinit. Ai realizoi golin për 2:1 kundër Gjilanit në minutën e 51-të.
Gjilani barazon rezultatin
Gjilani ka barazuar rezultatin 1:1 ndaj Dukagjinit.
Edhe
Dukagjini shmang humbjen nga Gjilani me gol të minutës së 96-të
Golin për 1:1 e shënoi Robert Rrahmani në minutën e 51-të.
Epërsi e një goli për Dukagjinin në pjesën e parë
Dukagjini e ka mbyllur me epërsi 1:0 pjesën e parë ndaj Gjilanit.
Në ndeshjen që po luhet në terrenin me bar sintetik në Gjilan, golin e vetëm në 45 minutat e para e shënoi Altin Merlaku.
Merlaku realizoi në minutën e 24-t.
Dukagjini po e befason Gjilanin
Dukagjini po e befason skuadrën e Gjilanit, në terrenin me bar sintetik në Gjilan.
Altin Merlaku realizoi në minutën e 24-t.
Merlaku gjuajti nga penalltia që u akordua pas rishikimit të situatës në VAR.
Tentimin e parë të tij e priti portieri Agron Kolaj, që e devijoi topin në shtyllë.
Edhe
Dukagjini kthehet te fitorja pas dy humbjeve
Por pas topit të kthyer në zonë sërish, Merlaku nuk gaboi dhe shënoi për 1:0.
Ndeshja i takon xhiros së 29-të.
