Lojtarët e Kosovës rezultojnë negativë me koronavirus

Kombëtarja e Kosovës është e gatshme ta zhvillojë sfidën ndaj Sllovenisë.

Në ligën C në kuadër të Ligës së Kombeve, Kosova do të përballet me Slloveninë, ku do jetë ndeshja e tretë e grupit.

Siç e kërkon protokolli, “Dardanët” janë testuar për Covid-19, ku nga të gjitha testet e bëra, asnjë lojtar nuk ka rezultuar pozitivë.

Me këtë lajm të gjithë lojtarët e mbetur janë në dispozicion për teknikun Bernard Challandes.

Aktualisht kombëtarja është duke zhvilluar seancën e fundit stërvitore, ku nesër do përballen ndaj Sllovenisë me fillim nga ora 20:45.