Holanda dhe Ekuadori kanë marrë nga një pikë nga ndeshja e dytë e fazës grupore.
Holandezët e ekuadorianët të premten kanë barazuar 1:1, në ndeshjen që i takoi Grupit A dhe u zhvillua në “Khalifa International Stadium”.
Cody Gakpo që në minutën e gjashtë shënoi gol për Holandën dhe u mendua se “tulipanët” do të marrin pikë të plota e të lehta.
Por, me të nisur pjesa e dytë, Enner Valencia barazoi shifrat dhe vulosi rezultatin final të takimit.
Sulmuesi i Fenerbahçes e shënoi golin e tretë të turneut në Katar, në minutën e 49-të.
Edhe
Maroku eliminon Holandën pas penalltive dramatike
Holanda dhe Ekuadori kanë nga katër pikë.
I treti është Senegali me tri pikë, ndërsa nikoqiri i Botërorit, Katari, është i fundit pa pikë.
Ndeshjen e fundit Holanda e zhvillon kundër Katarit, kurse Ekuadori luan me Senegalin.
Ekuadori ka barazuar rezultatin ndaj Holandës me të filluar pjesa e dytë. Golin e barazimit për Ekuadorin që ishte në disavantazh pas pjesës së parë, e shënoi sulmuesi Enner Valencia. Ai shënoi në minutën e 49-të, pasi përfitoi nga topi i kthyer nga portieri holandezi që priti tentimin e Pervis Estupinianit. Rezultati aktual është 1:1.
Holanda po avancon ndaj Ekuadorit pas pjesës së parë
Përfaqësuesja e Holandës është në epërsi ndaj Ekuadorit pas pjesës së parë, në ndeshjen e Grupit A që po zhvillohet në “Khalifa International Stadium”.
Rezultati është 1:0 në favor të Holandës pas 45 minutave të parë. Golin e vetëm në këtë pjesë, e shënoi sulmuesi i krahut, Cody Gakpo. Ai realizoi në minutën e gjashtë pas asistimit të Davy Klaassenit.
Ekuadori arriti të shënojë gol në minutën e tretë të kohës shtesë me anë të Pervis Estupinianit, por goli u anulua për pozitë jashtë loje.
Gakpo me supergol ndaj Ekuadorit
Cody Gakpo ka shënuar supergol për Holandën që ka kaluar në epërsi ndaj Ekuadorit.
Edhe
Ekuadori avancon në fazën nokaut pas fitores ndaj Gjermanisë
Gakpo në minutën e gjashtë të ndeshjes nga një distancë e largët, gjuajti fuqishëm me të majtën dhe e dërgoi topin në rrjetë.
Gakpo është pjesë e PSV Eindhovenit në Holandë.
Ndeshja mes Holandës dhe Ekuadorit i takon Grupit A.
Kliko KËTU për ta parë golin
Ka nisur ndeshja mes Holandës dhe Ekuadorit, e vlefshme për Grupin A të Kupës së Botës.
Të dyja ekipet fituan ndeshjet e para.
Në këtë grup, Katari është eliminuar, ndërsa Senegali ka tri pikë.
Janë bërë publike formacionet zyrtare të ndeshjes Holanda – Ekuadori.
Holanda synon fitoren e dytë nga dy ndeshjet e para të Grupit A, njësoj si Ekuadori.
Edhe
Ekuadori befason Gjermaninë
Të dyja përfaqësueset i fituan 2:0 ndeshjet e para.
Holandezët mposhtën senegalezët, kurse ekuadorianët fituan përballë skuadrës nikoqire, Katarit.
