Futbollisti i MOL Fehervarit hungarez, Lirim Kastrati, pritet të kthehet në kampionatin kroat, te skuadra e Lokomotivës së Zagrebit.
Do të ishte rikthim për 25-vjeçarin Kastrati, te skuadra e Lokomotivës.
Ai në vitin 2020 u transferua nga Lokomotiva e Zagrebit te gjiganti kroat, Dinamo Zagreb, ndërsa në shtator të vitit 2021, ishte transferuar për 1.30 milionë euro te Legia e Varshavës.
Mediumi hungarez “Nemzetisport”, ka shkruar të mërkurën se Fehervari ka pranuar ofertë nga Lokomotiva për futbollistin e krahut.
Kastrati, i cili ka 17 paraqitje me Përfaqësuesen e Kosovës dhe një gol të shënuar, sipas mediumit hungarez, do të zyrtarizohet këtë javë te skuadra kroate.
Në edicionin aktual në elitën e futbollit hungarez, Kastrati ka zhvilluar 18 ndeshje dhe ka realizuar katër gola.
