Sulmuesi Bashkim Kadrii ka kontribuuar me gol në fitoren e Odenses në Superligën e Danimarkës.
Odense të premten mbrëma fitoi 2:1 në udhëtim te Viborgu, ndërsa Kadrii e shënoi golin për 1:0 në minutën e 11-të.
Për të ishte goli i gjashtë në edicionin aktual, teksa ka edhe tri asistime.
Odense është në pozitën e shtatë me 20 pikë, ndërsa Viborgu ka 19 pikë në vendin e nëntë.
Që të dyja janë në grupin e skuadrave që po luftojnë për mbijetesë në elitën daneze të futbollit.
