Lëndimi i Paul Pogbas ka bërë që drejtuesit e klubit të Juventusit të kërkojnë një mesfushor të ri.
“Gazzetta dello Sport” ka bërë të ditur se trajneri Massimilano Allegri ka kërkuar nga krerët e klubit të sjellin një mesfushor gjatë afatit kalimtar të verës, për të mbuluar boshllëkun e lënë nga lëndimi i Pogbas.
“Zonja e Vjetër” është duke hulumtuar tregun dhe po shpreson që së shpejti të sjellë një mesfushor para fillimit të edicionit të ri.
Në mesin e lojtarëve që mund të transferohet në Torino janë Leandro Parades dhe Saul Niguez.
Parades do të shitet nga PSG-ja sikurse Niguez nga Atletico Madridi.