Skuadra e Juventusit ka mundësinë e transferimit të mesfushorit spanjoll Saul Niguez gjatë kësaj vere, ka njoftuar e përditshmja “AS”.
Atletico Madridi ia ka ofruar Juventusit shërbimet e mesfushorit pas lëndimit të Paul Pogbas. Te Atletico janë të gatshëm ta huazojnë 27-vjeçarin te Juventusi me opsionin e blerjes në fund të sezonit për 20 milionë euro.
Saul nuk bën pjesë në planet e Atleticos dhe për këtë arsye do të largohet nga klubi spanjoll këtë verë.
Sezonin e shkuar ai ishte i huazuar te Chelsea për t’u kthyer tek Atletico pasi nuk bindi me paraqitjet te klubi anglez. Ai ka kontratë me Atleticon deri në vitin 2026.