Juventusi nuk ka hequr dorë nga shërbimet e mesfushorit Paul Pogba. Sipas sajtit “Claciomercato”, të premten, drejtuesit e klubit italian do të nisin bisedimet për ta bindur mesfushorin të transferohet në Torino.
“Zonja e Vjetër” do t’i ofrojë francezit pagë javore prej 160 mijë eurosh me bonuse për t’i siguruar shërbimet e francezit.
Juventusi thuhet se është favorit për të nënshkruar me Pogban, pavarësisht interesimit të Paris Saint-Germainit dhe Real Madridit.
Pogba do të largohet nga Manchester Unitedi si futbollist i lirë këtë verë, pasi nuk ka pranuar vazhdimin e kontratës.