Skuadra e Juventusit nuk ka hequr dorë nga transferimi i mesfushorit të Chelseat, Christian Pulishiq. Lajmi është bërë i ditur të premten nga e përditshmja italiane “Tuttosport”. Bëhet e ditur se Juventusi po synon transferimin e Pulishiqit në afatin kalimtar të janarit.
Në fakt, ekipi italian po kërkon huazimin e tij për gjashtë muaj me opsionin e blerjes në fund të sezonit. Juventusi ishte i interesuar për mesfushorin amerikan edhe para fillimit të këtij edicioni, por Pulishiqi vendosi të mbetet te Chelsea.
24-vjeçari ka kontratë me ekipin nga Londra deri në vitin 2024, ndërsa këtë edicion ka regjistruar tetë paraqitje në të gjitha garat.
Artikuj të ngjashëm