Juventusi po insiston në transferimin e sulmuesit Memphis Depay. Fabrizio Romano ka shkruar të martën se Juventusi pothuajse ka arritur marrëveshje me holandezin dhe po negocion me Barcelonën për lirimin e tij.
Depay është i gatshëm të largohet nga Barcelona pas vetëm një sezoni në “Camp Nou”, por ekipi spanjoll po kërkon 20 milionë euro për kartonin e tij.
Depay iu bashkua Barçës vitin e shkuar si lojtar i lirë dhe në 36 paraqitje në të gjitha garat, shënoi 13 gola dhe asistoi dy herë.
