Romelu Lukaku mund të kthehet te skuadra e Interit, por tani në formë huazimi nga skuadra e Chelseat.
“Nerazzurrët” i kanë thënë “bluve të Londrës” se janë të gatshëm të shpenzojnë vetëm 8 milionë euro, për ta siguruar Lukakun si lojtar të huazuar, ka shkruar “Calciomercato” të shtunën.
Chelsea është i hapur që ta lërë të lirë sulmuesin belg në formë huazimi.
29-vjeçari ka shënuar vetëm 15 gola dhe pati 2 asistime në 44 paraqitje në të gjitha garat me skuadrën londineze.
