Mbrojtësi kosovar, Kreshnik Hajrizi ka qenë titullar në fitoren e skuadrës së Luganos ndaj St. Gallen me rezultatin 2:1.
Ndeshja e së dielës i takoi xhiros së tretë të kampionatit zviceran. Mbrojtësi 22-vjeçar asistoi te goli i parë i shënuar nga Numa Lavanchy në minutën e 16-të. Vendasit epërsinë e dyfishuan në minutën e 32-të me Reto Ziegler.
Krejt çfarë arritën të bënin mysafirët në këtë takim ishte goli i shënuar nga Victor Ruiz për rezultatin 2:1. Lugano renditet e treta me 6 pikë. Betim Fazliji kompletoi ndeshjen te St. Galleni që renditet i katërti me 4 pikë.
Artikuj të ngjashëm