Futbollistet e Përfaqësueses së Afganistanit ishin në frikë. Me javë, ishin endur nëpër shtet, duke pritur fjalën se mund të largohen.
Njëra dëshiron të bëhet mjete, tjetra një producente e filmit, e disa tjera inxhiniere. Të gjitha ëndrrojnë të bëhen edhe futbolliste profesioniste.
Më në fund mesazhi erdhi herët të dielën: Një aeroplan do të merrte vajzat dhe familjet e tyre nga Afganistani – në një vend që ato nuk e dinin se ku. Autobustët që do të merrnin ato nga aeroporti ishin nisur.
“U larguan nga shtëpitë e tyre dshe lanë çdo gjë prapa”, thotë Farkhunda Muhtaj, kapitene e përfaqësueset së Afganistanit e cila nga shtëpia e saj në Kanada kishte kaluar javët e fundit duke komunikuar me vajzat dhe duke ndihmuar për të aranzhuar shpëtimin e tyre. “Nuk po mund ta kuptojnë se janë jashtë Afganistanit tash”.
Që nga tërheqja e trupave amerikane nga Afganistani, vajzat, e moshës 14-16 vjet dhe familjet e tyre, kanë tentuar të largohen, duke u frikësuar se si do të bëhen jetët e tyre nën regjimin taleban, jo vetëm se gratë dhe vajzat e kanë të ndaluar të luajnë sporte, por pasi që ishin avokate për vajzat dhe anëtare aktvite të komuniteteve të tyre.
Edhe
Dëshpërimi i vajzave të reja në Afganistan nga privimi i mundësisë për t’u shkolluar
Të dielën pasdite, ato arritën në Lisbonë të Portugalisë.
Në intervista për AP këtë javë, Muhtaj, anëtaret e skuadrës së futbollit dhe disa anëtarë të familjes e po ashtu staf i federatës, kanë treguar për ditët e fundit para se të largoheshin nga Afganistani.
Misioni i shpëtimit, i quajtur “Operacioni Topa Futbolli”, ishte koordinuar me talebanët nëpërmjet një koalicioni ndërkombëtar të ish-ushtarakëve dhe ish-zyrtarëve të intelegjencës amerikane.
DeliverFund, një organizatë jofitimprurëse ka siguruar strehimin për 50 familje afgane.
Komplikim i misionit të shpëtimit ishte grupi i madh. Ishin 80 personam përfshirë 26 anëtare të reja si dhe të rritur e fëmijë, përfshirë edhe foshnja.
Edhe
Futbollistet e Afganistanit lejohen të kthehen në garat e FIFA-s
Robert McCreary, ish-zyrtar i Shtëpisë së Bardhë nën presidentin George W. Bush, që ka ndihmuar në operacionin, ka thënë se Portugalia ka aprovuar azilin për vajzat dhe familjet e tyre.
“Bota u bë bashkë për të ndihmuar këto vajza dhe familjet e tyre. Këto vajza janë simbol i dritës për botën dhe njerëzimin”, ka thënë McCreary.
