Pas barazimit pa gola me Armeninë, futbollistet e Kosovës U17 kanë fituar në ndeshjen e dytë të turneut kualifikues për Evropianin “Suedia 2024”, në Grupin B1 të Ligës B.
Kosova U17 të premten fitoi me rezultatin 2:0 përballë Gjeorgjisë, me dy gola të shënuar në pjesën e parë.
Mirjeta Januzi realizoi nga distanca në minutën e pestë të ndeshjes, pas reagimit jo të mirë të portieres kundërshtare.
Ndërkohë, Riga Kallaba në minutën e katërt të shtesës në pjesën e parë, shënoi nga penalltia.
Në grupin e Kosovës është edhe Maqedonia e Veriut.
Kosova është nikoqire e këtij grupi.
Ndeshjen e fundit në grup, Kosova e zhvillon kundër Maqedonisë së Veriut më nëntë tetor, nga ora 12:00, ndërsa do të jetë ndeshje vendimtare për vendin e parë.
Artikuj të ngjashëm