Kryetari i Federatës së Serbisë në boks amator, Nenad Borovçanin, ka thënë se boksierët e Kosovës nuk janë paraqitur fare për të marrë pjesë në Botëror dhe se ata thjeshtë po tentojnë të politizojnë sportin, e të manipulojnë.
“Kosova nuk është në listën e 103 shteteve, nuk ka Kosovë aty, e as boksierë të saj., Ata nuk janë zyrtarisht”, tha Borovçanin për "TV Pink".
Botërori i boksit ka nisur të dielën mbrëma në Beograd. Delegacionit të Kosovës tri herë iu mohua hyrja në Serbi. Madje boksierët kosovarë nuk u lejuan të hynin, edhe përkundër thirrjeve që janë bërë nga Federata Botërore e Boksit Amator (AIBA).
Kosova në Botëror synoi të merrte pjesë me tre boksierë, Bashkim Bajokun, Shpëtim Bajokun e Patriot Behramin.
Komiteti Olimpik Ndërkombëtar (KOK) e ka fajësuar AIBA-n se Kosova ka mbetur jashtë Botërorit.
Edhe
“Rrezik dhe provokim”, Kosova mbetet jashtë Evropianit në Beograd
Në ceremoninë hapëse të Botërorit janë fishkëllyer boksierët e Shqipërisë dhe në drejtim të tyre janë hedhur gjësende.
Për moslejimin e pjesëmarrësve të boksierëve kosovarë në Botërorin në Beograd, ka thirrur konferencë për media ministri i Kulturës, Rinisë dhe Sportit, Hajrullah Çeku.
-
Federata Ndërkombëtare arsyetohet për vendimin diskriminues ndaj boksierëve të Kosovës
-
Zhvillime të reja me IBA-në por Kosova përfundimisht mbetet jashtë Botërorit të boksit
-
Përpjekjet e Kosovës për të marrë pjesë në Botëror, në Serbi i vlerësojnë provokim
-
Shqipëria pritet me fishkëllima në garën e boksit në Beograd