Skuadra e Evertonit ia ka caktuar çmimin mesfushorit defensiv, Amadou Onana, i cili po kërkohet nga gjigantët e Premier Leagues. Për ta lënë të lirë belgun Onana këtë muaj, Evertoni po kërkon të paktën 100 milionë euro.
Ky vendim i Evertonit ka ardhur pas interesimit të madh të Arsenalit për shërbimet e 22-vjeçarit, i cili është i gatshëm t’i bashkohet ekipit të trajnerit Mikel Arteta.
Onana është pjesë e Evertonit prej verës së vitit 2022, ndërsa këtë edicion ka dy gola e një asistim në 21 paraqitje në të gjitha garat.
Ai ka kontratë me Evertonin deri në vitin 2027, ndërsa ka luajtur edhe për Lillen e Hamburgun. Gjithashtu, Onana ka edhe nëntë paraqitje me Belgjikën.
Artikuj të ngjashëm