Valon Ethemi ka shënuar një gol në fitoren e thellë të Istanbulsporit në ndeshjen ndaj Sivassporit.
Ethemi shënoi nga penalltia golin e parë në minutën e shtatë, ndërsa Istanbulspori fitoi 3:0.
Kjo ndeshje e zhvilluar të hënën mbrëma i takoi javës së 25-të të Superligës së Turqisë. Ethemi luajti deri në minutën e 75-të.
Titullar ishte edhe Eduard Rroca, vendin e të cilit në pjesën e dytë e zuri Valmir Veliu. Në minutën e 86-të u inkuadrua në fushë edhe mesfushori i Kosovës, Florian Loshaj.
Me këtë fitore, Istanbulspori është ngritur në vendin e 16-të me 24 pikë, sa ka edhe Sivasspori.
