Albin Tahiri ka kompletuar rezultatet për të siguruar normën për pjesëmarrje në Lojërat Olimpike Dimërore “Pekini 2022” në disiplinën e sllallomit të madh, ka njoftuar Komiteti Olimpik i Kosovës (KOK) të enjten.
Tahiri doli i 23-ti në garën e mbajtur të enjten në Maribor të Sllovenisë. Ai i përfundoi të dy lëshimet me kohë 2:16.76 minuta, për të fituar 82.24 pikë të Federatës Ndërkombëtare të Skitarisë (FIS).
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNë këtë garë morën pjesë 50 skitarë, ku dhjetë prej tyre nuk arritën të përfundojnë njërin prej dy lëshimeve.
“Jam shumë i lumtur me garën e sotme. Kam përmirësuar rezultatin e sotëm për dallim nga dje (i 29-ti) dhe kam marrë 82.24 pikë të FIS-it, që është rezultati dukshëm më i mirë për Kosovën në dy sezonet e fundit në ndonjë disiplinë”, ka thënë Tahiri për KOK-un.
“Tani kam quar në pesë numrin e rezultateve të nevojshme për normën Olimpike, të cilën tani e kam të arritur në sllallom të madh. Jam shumë i lumtur për këtë”.
Skitari 32-vjeçari do ta kërkojë normën olimpike edhe në sllallom dhe disiplinat e shpejta si: super G, kombinim alpin dhe lëshim.
Më herët, normën olimpike, por në disiplinën e sllallomit e ka arritur edhe Arbi Pupovci.
Lojërat Olimpike Dimërore mbahen në Pekin të Kinës prej 4-20 shkurt të vitit të ardhshëm.