Drita ka shënuar fitore të vështirë të shtunën në udhëtim te Malisheva me rezultatin 1:0.
Golin e vetëm në këtë ndeshje për Dritën e shënoi sulmuesi i Përfaqësueses së Kosovës U21, Ardit Tahiri.
Me këtë fitore Drita vazhdon serinë pozitive pa humbje në Superligën e Kosovës.
Ndeshja nisi me ritëm të lart nga të dyja ekipet që kërkonin të gjenin golin.
Te vendasit rast të mirë kishte Gentian Bnishi përderisa te Drita, Marko Simonovski.
Drita rrezikoi edhe me Muharrem Jasharin por pa sukses duke bërë që pjesa e parë të mbyllet 0:0.
Në pjesën e dytë futbollistët e Malishevës kishin më shumë nga loja.
Muhamet Hyseni në minutën e 49-të godet fuqishëm por shtylla shpëtoi Dritën.
Te skuadra nga Gjilani në rast të mirë shënimi në minutën e 58-të me Arbnor Mujën por pa sukses.
Në minutën e 60-të Erion Vucaj gjuan fuqishëm por shtylla shpëtoi Malishevën.
Në minutën e 83-të udhëtuesit gjetën golin me sulmuesin Ardit Tahiri për 1:0.
Deri në fund vendasit tentuan të barazonin rezultatin, por pa sukses.
