Qendërmbrojtësi Giorgio Chiellini do të largohet nga Juventusi në fund të sezonit për ta vazhduar karrierën në SHBA, ka njoftuar “Tuttosport” të hënën.
Bëhet e ditur se Chiellini këtë vendim e ka marrë pas eliminimit të Italisë në plejofin për Botërorin “Katari 2022”.
Ai pritet të shkëpusë kontratën me Juventusin që i skadon vitin tjetër dhe tashmë ka nisur negociatat me ekipet amerikane.
Te Juventusi janë pajtuar me largimin e 37-vjeçarit, i cili është pjesë e klubit prej vitit 2005.
Këtë sezon, Chiellini ka pasur telashe me lëndimet dhe ka regjistruar vetëm 17 paraqitje në të gjitha garat.
Artikuj të ngjashëm