Giorgio Chiellini do të largohet në fund të edicionit nga Juventusi. Mbrojtësi italian do të shkëpusë kontratën me “Zonjën e Vjetër”, e cila i skadon në vitin 2023.
Chiellini karrierën do ta vazhdojë në SHBA.
Sipas “Gazzetta dello Sport”, mbrojtësi ka arritur marrëveshje me skuadrën amerikane Los Angeles.
37-vjeçari do të nënshkruajë kontratë dyvjeçare me skuadrën amerikane me mundësi vazhdimi edhe për një vit tjetër.
Chiellini është pjesë e Juventusit që nga viti 2005 kur u transferua nga Fiorentina.
