Moises Caicedo është kthyer në stërvitje me skuadrën e Brightonit, pasi klubi nuk e la të lirë futbollistin të kalonte tek Arsenali në këtë afat kalimtar.
Ekuadoriani u mundua që të largohej nga skuadra duke mos qenë i pranishëm në disa seanca stërvitore, për t’i vënë nën presion zyrtarët e klubit të Premier Leagues.
Ai nuk luajti as në ndeshjen kundër Liverpoolit në Kupën FA. “Revolveristët” ishin të gatshëm të paguanin 70 milionë funte për lojtarin e Brightonit, por shefi ekzekutiv, Paul Barber, kërkoi 100 milionë funte për lirimin e mesfushorit.