Te Brightoni janë të gatshëm ta lirojnë në fund të këtij sezoni mesfushorin Alexis Mac Allister, por vetëm nëse marrin ofertën e duhur për kartonin e tij, përcjell “The Sun” të martën.
Duke pasur parasysh interesimin e skuadrave të mëdha për argjentinasin, krerët e Brightonit tashmë kanë caktuar çmimin për Mac Allisterin.
Për ta lënë të lirë në verë 24-vjeçarin, Brightoni po kërkon hiç më pak se 75 milionë euro. Manchester City, Arsenali, Chelsea janë vetëm disa prej skuadrave që po synojnë transferimin e Mac Allisterit në fund të sezonit.
Mac Allister u shpall kampion i botës me Argjentinën, ndërsa është pjesë e Brightonit prej vitit 2019. Këtë edicion, ai ka shënuar 7 gola për Brightonin, ekip me të cilin ka kontratë deri në vitin 2024 me opsionin e vazhdimit edhe për një vit tjetër.