Mesfushori Bledian Krasniqi ka rinovuar për dy vjet kontratën me Zuerichun. Ekipi zviceran ka bërë të ditur të martën se 22-vjeçari e ka rinovuar kontratën deri në verën e vitit 2026.
Te Zuerichu e shohin Krasniqin si lojtar të ardhmes dhe janë shprehur të lumtur me rinovimin e kontratës së tij.
“Ky është një lajm shumë i mirë për të gjithë të përfshirët në zhvillimin e talenteve te Zuerichu. Me rinovimin e kontratës, Bledi gjithashtu ka dërguar një sinjal pozitiv në aspektin e lojalitetit ndaj klubit, ku është rritur”, ka thënë presidenti i Zuerichut, Ancillo Canepa.
Krasniqi është rritur te Zuerichu dhe ka luajtur për të gjitha gjeneratat e reja, përpara se të debutonte me ekipin e parë në nëntor të vitit 2018.
Prej vitit 2019 deri në vitin 2021, Krasniqi ishte i huazuar te skuadra e Willit në kategorinë e dytë, përpara se të rikthehet te Zuerichu.
Edhe
Krasniqi vazhdon kontratën me Zuerichun
Edicionin e fundit, Krasniqi shënoi 2 gola dhe bëri 1 asistim në 41 paraqitje për Zuerichun në të gjitha garat.
Gjithashtu, ai ishte edhe pjesë e Përfaqësueses U21 të Zvicrës që u paraqit në Kampionatin Evropian.
