Golashënuesi më i mirë i elitës së futbollit të Norvegjisë këtë sezon, Veton Berisha, është ftuar nga Përfaqësuesja e Norvegjisë për katër ndeshjet e Ligës së Kombeve në muajin qershor.
28-vjeçari është golashënuesi më i mirë i rangut më të lartë të futbollit norvegjez me gjashtë gola dhe si rezultat i paraqitjeve të mira ka marrë thirrjen nga përzgjedhësi Stale Solbakken. Berisha ka edhe katër asistime në nëntë ndeshje të luajtura.
Në listën e Solbakkenit është përfshirë edhe ylli i ri i Manchester Cityt, Erling Braut Haaland.
Norvegjia në ndeshjet e qershorit luan kundër Serbisë, Suedisë dy ndeshje dhe Sllovenisë.
Artikuj të ngjashëm