Pas Juventusit, edhe Bayern Muencheni është futur në garë për shërbimet e mesfushorit Ilkay Guendogan.
“Bild” shkruan të martën se Bayerni po synon transferimin e Guendoganit në fund të këtij sezoni si lojtar të lirë.
32-vjeçari ka kontratë me Manchester Cityn deri në fund të sezonit, ndërsa më herët ka paralajmëruar largimin nga ekipi anglez për verën tjetër.
Guendogan është kapiten i Cityt, ekip të cilit iu bashkua në vitin 2016 nga Borussia Dortmundi.
Këtë edicion, ai ka shënuar dy gola dhe ka bërë një asistim në 14 paraqitje në të gjitha garat.
Artikuj të ngjashëm