Barcelona është duke bërë gati një lëvizje të re për Philippe Coutinhon e Liverpoolit, ka konfirmuar drejtori i klubit.
Ekipi katalonas dështoi të transferonte brazilianin gjatë verës pasi Liverpooli nuk lejonte largimin e tij, pavarësisht dëshirës së futbollistit.
Tani klubi ka shprehur gatishmërinë për ta transferuar futbollistin gjatë afatit kalimtar të janarit.
“Jemi të gatshëm për ta blerë Coutinhon në afatin dimëror, ose cilindo lojtarë që kërkon stafi teknik. Por e rëndësishmja është që të dihet se kur ka blerje do të ketë edhe largime”, ka thënë shefi ekzekutiv i klubit Oscar Grau.
Coutinho ka pasur vetëm tri paraqitje sivjet për Liverpoolin dhe ka shënuar dy gola.