Barcelona raportohet se ka filluar planet për transferimin e Philippe Coutinhos nga Liverpooli gjatë afatit kalimtar të janarit.
Klubi anglez ka refuzuar tre oferta të majme nga Barça për 25-vjeçarin dhe e fundit ishte ajo prej 150 milionë eurove.
Sipas gazetës spanjolle “Sport”, Barcelona do të bëjë ofertë të re për brazilianin duke filluar në janar.
Drejtori sportiv i Barçës, Albert Soler, dy javë më parë akuzoi Liverpooli se kërkoi 200 milionë euro për Coutinhon, por këtë akuzë e mohoi klubi anglez.
Coutinho nuk ka luajtur asnjë ndeshje për Liverpoolin gjatë këtij sezoni shkaku i një lëndimi në shpinë, por ai është paraqitur dy herë për Brazilin.
Artikuj të ngjashëm