Barcelona do të bëjë ofertën përfundimtare për transferimin e Philippe Coutinhos nga Liverpooli, para se të mbyllet afati kalimtar në Spanjë.
Klubi spanjoll është në kërkim të mesfushorit brazilian që prej shitjes së Neymarit te PSG-ja, por Liverpooli insistoi se ylli nuk do të jetë në shitje.
Afati kalimtar është mbyllur në Angli të enjten, por në Spanjë mbetet i hapur deri në orën 00:00 të premten, duke ia mundësuar Barçës që të tentojë edhe një herë transferimin e tij.
Sipas gazetës spanjolle “Sport”, Barcelona do të dërgojë një ofertë prej 150 milionë eurove dhe krerët e klubit janë të bindur se Liverpooli mund të detyrohet të shesë Coutinhon.
