Ilir Krasniqi është lojtari më i vlerësuar te Kosova pas barazimit pa gola ndaj Izraelit.
Krasniqi që luan te Polissya Zhytomyr në Ukrainë u vlerësua me notën 7.8.
Pas tij, sipas vlerësimit të “SofaScore”, notën më të mirë te Kosova e mori edhe portieri, Amir Shaipi. Ai u vlerësua me notën 7.3.
Edhe Kreshnik Hajrizi kishte notë të mirë me 7.1. Edon Zhegrova u vlerësua me notën 7.0.
Notën më të dobët te Kosova e pati mesfushori Veldin Hoxha që u ndëshkua edhe me karton të kuq.
Hoxha që luan në Rusi te Rubin Kazani u vlerësua me notën 6.2.
Edhe Vedat Muriqi nuk kishte notë të mirë, 6.4.
Kosova me pikën e fituar në Prishtinë tani i ka gjashtë pikë në grupin ku janë edhe Austria dhe Irlanda. Izraeli mbetet në vendin e fundit me tri pikë.
Irlanda – Kosova dhe Izraeli – Austria, janë dy ndeshjet e fundit të Grupit B3 të Ligës së Kombeve.
